«‎ԶՎԱՐՃԱԼԻ ՖՐԱՆՍԵՐԵՆ» ամառային գործնական դասընթաց արցախցի դպրոցականների համար

«‎Մենք ենք մեր սարերը» կազմակերպությունը Ֆրանսիայի «‎Սատար Արցախին» միության աջակցությամբ և Երևանի Միսաք Մանուշյանի անվան թիվ 48 դպրոցի տնօրինության հետ համագործակցությամբ 2024թ. մարտ-հունիս ամիսներին կազմակերպել է ֆրանսերենի լրացուցիչ պարապմունքներ արցախցի դպրոցականների համար, որպեսզի վերջիններս կարողանան կարճ ժամանակամիջոցում յուրացնել ուսումնական նյութը և հասնել իրենց դասընկերներին: Հաջողված փորձը խրախուսել է կազմակերպիչներին շարունակելու երեխաների հետ աշխատանքը նաև ամռանը:

Հուլիսի 1-19-ը կազմակերպվում է «‎Զվարճալի Ֆրանսերեն» ամառային գործնական դասընթացը, որին, բացի Մ. Մանուշյանի անվան դպրոցի արցախցի աշակերտներից կարող են ընդգրկվել նաև ֆրանսերենի ուսուցմամբ այլ դպրոցներից արցախցի աշակերտներ: Դասընթացը կանցկացվի Երևանի «‎Երազ» այգու տարածքում, երկուշաբթիից ուրբաթ, առավոտյան 9:30-ից մինչև 12:30-ը:

Ծրագրով նախատեսված է զվարճալի ուսուցում, որը ներառում է ֆրանսերենով խաղեր, համատեղ երգեցողություն, բանավոր դերախաղեր, գրավոր վարժություններ և այլն: Կեսօրին երեխաներին կմատուցվի ճաշ:

Ծրագրին երեխաների մասնակցությունն անվճար է:

ԽՆԴԻՐՆԵՐ

Զարգացնել երեխաների լեզվական հմտությունները և ամրապնդել ֆրանսերենի իմացությունը,
Բովանդակալից կրթական աջակցություն ցուցաբերել տեղահանված երեխաներին՝ նպաստելով նրանց սոցիալական ինտեգրմանը և հուզական բարեկեցությանը,
Խթանել երեխաների հետաքրքրությունը լեզուների նկատմամբ, սովորելու ու զարգանալու նպատակադրումը:

Աշխարհագրություն

ք. Երևան, Արաբկիրի վարչական շրջան, «‎Երազ» այգի

Իրականացման ժամկետներ

Հուլիս 1-19, 2024 թթ.

ՇԱՀԱՌՈՒՆԵՐ

Ուղղակի շահառուներ՝ ֆրանսերենի խորացված ուսուցմամբ դպրոցներում ուսուցանող 40 արցախցի աշակերտներ, Արցախից տեղահանված ֆրանսերենի ուսուցիչներ
Անուղղակի շահառուներ՝ երեխաների ընտանիքների անդամներ՝ ավելի քան 120 հոգի

ԱԿՆԿԱԼՎՈՂ ԱՐԴՅՈՒՆՔՆԵՐ

Մասնակիցները կօգտվեն հարստացնող փորձից, որը համատեղում է զվարճալի մոտեցումը և ֆրանսերենի արդյունավետ, արագացված ուսուցումը, հնարավորություն կունենան անկաշկանդ միջավայրում զարգացնել ֆրանսերենով շփվելու իրենց կարողությունը՝ ամրապնդելով լեզվական հմտությունները։
Արտահայտվելու և իրենց փորձով կիսվելու հնարավորությունը կնպաստի երեխաների հուզական բարեկեցությանը և սոցիալական ինտեգրմանը:
Երեխաները հնարավորություն կունենան բացահայտելու նոր մշակույթ և ընդլայնել իրենց մտահորիզոնը:
Այս փորձը կխթանի հետաքրքրությունը լեզուների ուսուցման նկատմամբ և կօգնի ձեռք բերել արժեքավոր հմտություններ իրենց ակադեմիական և մասնագիտական ապագայի համար:

Ավարտված է