ՆՎԻՐԻՐ ՏՈՆ

Նախագծի նպատակն է Ամանորի եւ Սուրբ Ծննդյան տոներին ընդառաջ Հալիձորի համայնքային կենտրոնում հյուրընկալել Հայաստանի Հանրապետության Սյունիքի մարզի Տաթեւի համայնքում ապաստանած արցախցի երեխաներին ու հալիձորցի փոքրիկներին՝ ամանորյա ինտերակտիվ ներկայացումների ու հետաքրքիր խաղերի միջոցով տոնական տրամադրություն պարգեւելով նրանց:

Նախագծի շրջանակներում նախատեսվում է նաեւ ամանորյա նվերներ մատուցել արցախցի փոքրիկներին, ովքեր բռնի տեղահանության հետեւանքով Արցախում են թողել իրենց տոնածառները, խաղալիքներն ու գրքերը:

Հալիձորում երեխաներին հյուր կգան ոչ միայն Ձմեռ պապն ու Ձյունանուշիկը, այլեւ իրենց հասակակիցները Երեւանից ու ՀՀ այլ բնակավայրերից՝ միասին անցկացնելու նախատոնական օրերը:

Գործընկերներ

«ՏաԹեւեր» ճոպանուղի, Հալիձորի համայնքային կենտրոն

Աշխարհագրություն

Սյունիքի մարզ, Տաթեւ համայնք

Իրականացման ժամկետներ

Դեկտեմբերի 17-ից 26-ը, 2023թ.

ՇԱՀԱՌՈՒՆԵՐ

Անմիջական շահառուներ՝ շուրջ 700 երեխա
Անուղղակի շահառուներ՝ երեխաների ընտանիքները, Տաթեւ համայնքը

ԱԿՆԿԱԼՎՈՂ ԱՐԴՅՈՒՆՔ

Նախագծի իրականացումը հնարավորություն կտա արցախցի երեխաներին կտրել տխուր հիշողությունից, հոգսաշատ առօրյայից եւ նրանց պարգեւել ուրախ տրամադրություն:
Տեղացի հասակակիցների հետ շփումները կնպաստեն արցախցի երեխաների արագ ադապտացմանը նոր միջավայրում:
Տաթեւի համայնքի երեխաները կծանոթանան Հալիձորում վերջերս բացված համայնքային կենտրոնի հնարավորություններին, որի ծառայություններից կարող են օգտվել նոր գիտելիքներ ու հմտություններ ձեռք բերելու եւ իրենց կարողություններ զարգացնելու համար:
Նախագիծը կնպաստի նաեւ Հայաստանում միջհամայնքային կապերի խթանմանը և համագործակցության զարգացմանը:

Ավարտված է