Աջակցություն Արցախի երիտասարդ երաժիշտներին

«Մենք ենք մեր սարերը» զարգացման գործակալությունը ոգևորությամբ աջակցում է «Ծնվել եմ Արցախում» կրթական նախաձեռնությանը, որի հեղինակն ու հիմնական իրականացնողը «Արվեստ 23» հասարակական կազմակերպությունն է:

Մեր գործընկերության շրջանակներում «Մենք ենք մեր սարերը» զարգացման գործակալությունը կենտրոնացել է արցախցի տաղանդավոր երիտասարդ երաժիշտներին անհրաժեշտ երաժշտական գործիքներով (ջութակներ, թավջութակներ, կոնտրաբաս, կլարնետ, շեփոր, դաշնամուրներ) ապահովման վրա: «Հովարդ Կարագյոզյան» ԲԲՀԿ-ի աջակցությամբ Գործակալությունը նաև ձեռք է բերել պլանշետներ երաժիշտների համար:

«Ծնվել եմ Արցախում» համապարփակ ծրագրի մասին

«Արվեստ 23» հասարակական կազմակերպության կողմից նախաձեռնված «Ծնվել եմ Արցախում» կրթական ծրագիրը համապարփակ հնգամյա նախագիծ է, որն ուղղված է Արցախից տաղանդավոր երիտասարդների լիարժեք երաժշտական կրթությանը:

Ամբողջական ծրագիրը ներառում է.

• Մասնագիտական դասեր Հայաստանի լավագույն պրոֆեսորների հետ

• Այցելություններ Հայաստանի թանգարաններ

• Հրավիրատոմսեր Հայաստանի պետական սիմֆոնիկ նվագախմբի համերգների համար

• Վարպետության դասեր աշխարհի լավագույն արտիստների հետ

• Օտար լեզուների դասեր՝ ռուսերեն և անգլերեն

• Ֆինանսական աջակցություն՝ ուսման վարձավճարի կամ մասնագիտական այլ ծախսերի համար

• Երաժշտական գործիքի, համակարգչի (պլանշետներ) և ինտերնետ կապի տրամադրում՝ անհրաժեշտության դեպքում