«Մենք ենք մեր սարերը» գործակալությունը մեկնարկում է «Աջակցություն արցախցի վարպետներին» ծրագիրը՝ նպատակ ունենալով աշխատանքի և զբաղվածության հարցում աջակցել Արցախից բռնի տեղահանված և Հայաստանում բնակություն հաստատած արհեստավորներին և նրանց, ովքեր ցանկանում են նոր արհեստ սովորել:
Ծրագիրն ունենալու է երկու բաղադրիչ. առաջինը՝ ուսուցման և վերապատրաստման կազմակերպում այն անձանց համար, որոնք ցանկանում են մասնագիտանալ նոր արհեստում կամ հմտանալ արդեն ունեցած մասնագիտության մեջ և երկրորդը՝ աջակցություն վարպետներին՝ ձեռք բերելու անհրաժեշտ աշխատանքային գործիքներ:
«Արցախից բռնի տեղահանված մեր հայրենակիցների համար ամենահրատապ ու կենսական հարցերից մեկը զբաղվածության խնդիրն է: Շատերը չեն կարողանում աշխատել, քանի որ Արցախում են թողել իրենց գործիքներն ու սարքավորումները: Այս ծրագիրն ուղղված է ինչ-որ չափով այդ խնդիրը մեղմելուն: Մեր գործակալության համահիմնադիր Ռուբեն Վարդանյանը մշտապես գնահատել է վարպետների աշխատանքը, և անցած տարի հենց նրա նախաձեռնությամբ էր իրականացվում «Հայաստանի վարպետ» նախագիծը:
Վարպետներին ու իրենց մասնագիտության մեջ հմտանալ ցանկացողերին խրախուսելը մեզ համար նույնպես կարևոր ուղղություն է»,-ասում է գործակալության սոցիալական ծրագրերի ղեկավար Արմեն Մանգասարյանը:
Նոյեմբերի 28-ից մեկնարկել է հայտերի ընդունման գործընթացը: Ծրագրին մասնակցել ցանկացողները կարող են լրացնել հայտը՝ հետևյալ հղումով: Հայտերի ընդունումը կշարունակվի մինչև դեկտեմբերի 5-ը:
Հայտերի ուսումնասիրության արդյունքները հիմք կդառնան մասնագիտական ուսուցման ուղղությունների ընտրության եւ վարպետների աջակցության կազմակերպման համար:
Արցախի երկարատեւ պաշարման, ռազմական գործողությունների և բռնի տեղահանման հետևանքով արցախցի երեխաների մոտ ի ...
«Մենք ենք մեր սարերը» տարածքային զարգացման գործակալության նախաձեռնությամբ Արցախում շուրջ մեկ ամիս առաջ ...
Ստեփանակերտում այսօրվանից գործում է բարեգործական ճաշարան՝ շրջափակման հետևանքով ստեղծված սոցիալական իրավիճակը ...
