ԱՐԵՎԱՅԻՆ ԷԼԵԿՏՐԱԿԱՅԱՆ՝ ԱՐՑԱԽԻ ՀԱՆՐԱՊԵՏԱԿԱՆ ԲԺՇԿԱԿԱՆ ԿԵՆՏՐՈՆԻ ՀԱՄԱՐ

Էլեկտրաէներգիայի պահուստային աղբյուրի ստեղծում՝ Հանրապետական ​​բժշկական կենտրոնի (ՀԲԿ) համար, ՀԲԿ-ի կարիքների համար էլեկտրաէներգիայի արտադրություն՝ անկախ ցանցում էլեկտրաէներգիայի առկայությունից, էլեկտրաէներգիայի կուտակում՝ ոչ արևային ժամերի համար։

Արցախի շարունակվող էներգետիկ շրջափակման պայմաններում բնակչության կենսագործունեության համար կարևորագույն մի շարք օբյեկտներ անպայման պետք է ունենան էլեկտրաէներգիայի պահուստային աղբյուրներ։ Դրանցից առաջնայինը Հանրապետական ​​բժշկական կենտրոնն է՝ Արցախի հիմնական բժշկական հաստատությունը, որը ներառում է հիվանդանոցային բաժանմունքը, պոլիկլինիկական բաժանմունքը, ուռուցքաբանական ծառայությունը, ինչպես նաև շինարարության ավարտից հետո՝ «Մոր և մանկան առողջության կենտրոնը»։

Նախագիծը նախատեսում է մեծացնել բժշկական կենտրոնի էներգամատակարարման համակարգի հուսալիությունը՝ երկու փուլով արևային էլեկտրակայան ստեղծելու միջոցով:

Նպատակներ

• ՀԲԿ-ի համար ստեղծել 517 կՎտ դրվածքային հզորությամբ արևային հիբրիդային էլեկտրակայան (առաջին փուլում՝ 312 կՎտ և երկրորդ փուլում՝ 205 կՎտ)՝ արևային վահանակների քանակի ավելացման հնարավորությամբ։
• Արևային էլեկտրակայանի ստեղծման արդեն առաջին փուլում ապահովել շտապօգնության, վիրահատական, վերակենդանացման և ինտենսիվ թերապիայի բաժանմունքները՝ տեղադրելով էլեկտրաէներգիայի պահեստավորման համար նախատեսվող հինգ կայանքներից երեքը (յուրաքանչյուրը 100 կՎտ)։
• Տեղադրել 1075 կՎտ*ժ (645 կՎտ*ժ և 430 կՎտ*ժ) տարողությամբ լիթիում-իոնային մարտկոցներ՝ ոչ արևային ժամերին էլեկտրաէներգիա ապահովելու համար։
• Ապահովել ՀԲԿ-ն էլեկտրաէներգիայով՝ ցանցում էլեկտրականության բացակայության դեպքում՝ մինչև 2,5 ժամ առավելագույն ծանրաբեռնվածության և մինչև 12 ժամ կենսական նշանակության բաժանմունքների աշխատանքի դեպքում։
• Ապահովել էլեկտրաէներգիայի սպառման ֆինանսական տնտեսում՝ կապիտալ ներդրումների ծավալի տարեկան մինչև 24 տոկոսի չափով։
• Մեծացնել Արցախի առողջապահական համակարգի էներգետիկ անվտանգությունը։