«Կենաց ծառ» նախաձեռնություն. ՈՒԽՏԱԳՆԱՑՈՒԹՅՈՒՆ ՏԱԹԵՎԻ ՎԱՆՔ

Ուխտագնացություն դեպի Տաթևի վանք նախաձեռնությունը միտված է համախմբելու հայերին և Հայաստանի բարեկամներին հոգևոր և մշակութային ճանապարհորդության շուրջ: Միջոցառումը կկենտրոնանա Տաթևի՝ որպես հոգևոր, գիտական, մշակութային և սոցիալական կենտրոնի վերածննդի և հոգևոր-ազգային արժեքների շուրջ համախմբման գաղափարի վրա: Այն իրականացվում է Հայ Առաքելական Եկեղեցու օրհնությամբ և մի շարք հայկական բարեգործական կազմակերպությունների հետ համագործակցությամբ:

Ուխտագնացության ծրագիրը ներառում է՝

• Համատեղ աղոթք Սուրբ Պողոս-Պետրոս տաճարում հայ գերիների վերադարձի համար
• Արցախից բռնի տեղահանված երեխաների մկրտության արարողություն
• «ՄԵԿԵՆԱՍՆԵՐԻ ՈՍԿԵ ՇՂԹԱ. ՏԱԹԵՎԻ ՊԱՀԱՊԱՆՆԵՐԸ ԴԱՐԵՐԻ ԸՆԹԱՑՔՈՒՄ» ցուցահանդես
• Հոգևոր զրույցներ և միասնության ծես «Կենաց ծառի» շուրջ
• Տաթևի համայնքի զարգացմանն ուղղված ծրագրերի ներկայացում
• Մշակութային ծրագիր (երաժշտական կատարումներ, պարային ներկայացումներ, վարպետաց դասեր)
• Հարիսայի պատրաստում և ավանդական հյուրասիրություն
• Տեղական արտադրանքի և արհեստների տոնավաճառ

ԽՆԴԻՐՆԵՐ

• Ուխտագնացության ավանդույթի արմատավորում և Տաթևի վանքի դերի վերահաստատում որպես հոգևոր և մշակութային փոխազդեցության կենտրոն
• Հանրային ուշադրության հրավիրում հայ գերիների հարցին և նրանց ազատ արձակման հրատապ կոչ
• Տարածաշրջանի զարգացման ծրագրերի իրականացում
• Արցախից տեղահանված ընտանիքների աջակցություն և հոգևոր միասնության ապահովում
• Հայկական մեկենասության ավանդույթների շարունակականության ապահովում և խրախուսում