Վերջին թարմացում` 27.04.2023

Արցախի շարունակական զարգացման «Ուսուցողական գեղադիտակ» ամառային փառատոն

Շարունակական զարգացման փառատոնը 2023 թվականի ամառվա ընթացքում Արցախի քաղաքներում և գյուղերում անցկացվող՝ բնակչության բոլոր տարիքային խմբերի համար նախատեսված ամառային ուսուցողական ծրագրերի շարք է:

Փառատոնը կազմակերպվում է ամառային ուսումնական ճամբարների սկզբունքով. ճամբարներից յուրաքանչյուրն ուղղված է համապատասխան ռազմավարական առաջնահերթությանը:

Ճամբարներն իրականացվելու են կենդանի ձևաչափով՝ Արցախի և Հայաստանի կրթական կազմակերպությունների հետ համագործակցությամբ։ Փառատոնի կառավարումն իրականացնելու է տեղական կազմկոմիտեն՝ Հայաստանի գործընկերների աջակցությամբ։ Այս մոտեցման նպատակը Արցախում կազմակերպչական թիմի ձևավորումն է և փորձի ու ծրագրերի փոխանցումն այդ թիմին:

ԽՆԴԻՐՆԵՐ

Արցախի ապագայի հարցում ակտիվ և պատասխանատու դիրքորոշում ունեցող ապագա առաջնորդների բացահայտում, նրանց արժեքային կողմնորոշումների ձևավորում,
Միասնականության և թիմային կարողությունների զարգացում, տեղական և գլոբալ փոփոխություններին դիմակայելու ունակություն, համաշխարհային զարգացումներից անմասն չմնալու և Արցախի համայնքների ինքնաբավության ապահովում:
Երեխաների և ծնողների հոգեբանական կայունության խրախուսում։

ՃԱՄԲԱՐՆԵՐՆ ԻՐԱԿԱՆԱՑՎԵԼՈՒ ԵՆ ԸՍՏ ՄԻՋՈՑՆԵՐԻ ԱՌԿԱՅՈՒԹՅԱՆ ԵՎ ԱՌԱՋՆԱՀԵՐԹՈՒԹՅՈՒՆՆԵՐԻ

«Դավիթ Բեկ» պատանեկական մրցարշավ *ինքնուրույն ծրագիր	Սպորտային-մարտավարական պատրաստություն բարձր դասարանցիների համար:
Ագրո-ճամբար Climate Uturn	Ճամբարի մասնակիցների տնամերձ տարածքներում գյուղատնտեսական տունկերի իրականացում, հմտությունների փոխանցում մասնակիցների ընտանիքներին և ռոտացիոն եղանակով աջակցություն տունկերի իրականացման համար:
Առաջնորդության զարգացման ծրագիր *միջոցների հավաքումն ավարտված է	Առաջնորդական արժեհամակարգի ձևավորում, կանանց առաջնորդության զարգացում. ապագա առաջնորդների բացահայտում և, հաշվի առնելով գլոբալ աշխարհի միտումները, նրանց հետ ապագայի տեսլականի համատեղ ձևավորում, կանանց դերակատարության բարձրացում և նրանց առաջնորդական ներուժի զարգացում:
Էմոցիոնալ աջակցությանն ուղղված ծրագրեր	Մշակութային միջոցառումներ, պատմասացություն, հեքիաթաթերապիա, քոուչինգ և այլ միջոցառումներ՝ ուղղված բոլոր տարիքի ուսուցիչների, ծնողների և երեխաների հոգեբանական կայունության զարգացմանը:
Մեդիագրագիտության ճամբար	Ուսանողների կիբերանվտանգության հմտությունների և քննադատական մտածողության զարգացում:
CaseKey մրցույթ	17-24 տարեկան ուսանողների բիզնես մտածողության զարգացում բիզնես-քեյսերի լուծման միջոցով:
GAP CAMP	Ավարտական դասարանների դպրոցական ծրագրում առկա բացերի վերացում:
First Aid ճամբար	Առաջին օգնության և արտակարգ իրավիճակներին արձագանքելու հմտությունների զարգացում:

Գործընկերներ

Մատենա առաջնորդության և մասնագիտական զարգացման դպրոց, Climate Uturn, Scholae Mundi

Աշխարհագրություն

Ստեփանակերտ, գյուղեր Ծմակահող, Քոլատակ, Աշան, Հաղորտի, Պատարա, Ծաղկաշատ

Իրականացման ժամկետ

2023 թ. հունիս – 2023 թ. սեպտեմբեր

Շահառուներ

▶ Փառատոնի մասնակիցներն ու կազմակերպիչները (ընդգրկելու է մինչև 1000 մարդու)

▶ Արցախի Հանրապետության ամբողջ ժողովուրդն ստանում է՝

ա. Ապագա առաջնորդների թիմ, որոնք ներգրավված կլինեն Արցախի ռազմավարական զարգացման ծրագրերում,

բ. Հոգեբանական ինքնակարգավորման և թիմային փոխներգործության փորձառություն և գործնական հմտություններ,

գ. Սեփական հողի վրա ապրելու, ստեղծագործելու և զարգանալու շահագրգռության մակարդակի բարձրացում։

Կայունություն

Արցախի կրթական էկոհամակարգի ներկայացուցիչների միջև հաստատված փոխգործակցություն

* Նախագծի իրականացման ժամկետը կախված է փոխադրումների հնարավորությունից, այդ թվում՝ Կարմիր խաչի ընկերության և/կամ մարդասիրական այլ դերակատարների աջակցությամբ:

Դադարեցված է