Անհատական աճի, առաջնորդության և հաղորդակցության երեք օր՝ միտված ապագայի զարգացմանը

Դիլիջանում հուլիսի 23-25-ն անցկացվեց  «Թևեր» վերականգնողական ծրագրի «Մտավոր կարողությունների զարգացման» բաղադրիչը։

Եռօրյա ծրագիրը համախմբեց 13-18 տարեկան Արցախից բռնի տեղահանված, ինչպես նաև տեղացի 15  պատանիների՝ նպատակ ունենալով խթանել երիտասարդների հաղորդակցությունը և փոխըմբռնումը ։

Ծրագրի  առաջին օրը մասնակիցները «Ես և ինքս» ինքնաճանաչողության  և ինքնաներկայացման վարժանքների միջոցով բացահայտեցին իրենց «ես»-ը՝ սովորելով կառավարել սեփական հույզերը և ներկայացնել իրենց։

Երկրորդ օրը՝ «Ես և մյուսները» դասընթացին շեշտը դրվեց հաղորդակցման, կոնֆլիկտների կառավարման  և ամուր կապեր ստեղծելու հմտությունների զարգացման վրա։

Երրորդ՝ «Ես և համայնքը» սեսիային կենտրոնացումը համայնքում ներգրավվածության ապահովման, կապերի հաստատման  և հանրային նախագծերի նախաձեռնման ուղղությամբ էր։

Անհատական աճին, մտավոր կարողությունների զարգացմանն ուղված այս բաղադրիչը կյանքի է կոչվել  «Թևեր» ծրագրի շրջանակներում ՝ Climate Uturn-ի  հետ համագործակցությամբ։