Պահպանելով Արցախը. ոչ նյութական մշակութային ժառանգության էլեկտրոնային հարթակ

Նպատակ

48.4% $61 490

Արցախի բնիկ ժողովրդի բռնի տեղահանումը վտանգել է նրա հարուստ մշակութային ժառանգության, Արցախի ժողովրդի ինքնության պահպանումը։

Այս նախագծի նպատակն է ստեղծել համապարփակ էլեկտրոնային հարթակ՝ նվիրված Արցախի ոչ նյութական մշակութային ժառանգության պահպանմանն ու տարածմանը։

Հարթակը կծառայի որպես կենտրոնական շտեմարան Արցախի բարբառի, մշակութային ավանդույթների, բանավոր պատմությունների և պրակտիկաների փաստագրման, պահպանման և փոխանակման համար. Հեշտացնելով դրանց հասանելիությունը հետազոտողների, մանկավարժների և հանրության համար՝ մենք նպատակ ունենք ապահովելու այս մշակութային ժառանգության պահպանումը ապագա սերունդների համար:

ԽՆԴԻՐՆԵՐ

Արցախի ոչ նյութական մշակութային ժառանգության թվային շտեմարանի ստեղծում.

Փաստաթղթավորում. Հավաքել և ցուցակագրել բանավոր պատմություններ, ավանդական արվեստներ, արհեստներ և ծեսեր:
Մատչելիություն. Ստեղծել առցանց հարթակ, որը հասանելի կլինի հետազոտողներին, ուսուցանողներին և հանրությանը:
Իրազեկում. բարձրացնել և ընդլայնել Արցախի մշակութային ժառանգության նշանակության իրազեկվածությունը:
Համայնքի ներգրավվածություն. Արցախի համայնքի անդամներին ներգրավել փաստաթղթավորման գործընթացում՝ ապահովելու ճշգրտությունը և համապատասխանությունը:

Գործընկերներ

Գալուստ Գյուլբենկյան հիմնադրամ

Աշխարհագրություն

ՀՀ, ք. Երևան

Իրականացման ժամկետ

2025թ. հունվար — 2026թ. հունվար (հնարավոր է վերանայել)

Շահառուներ

ՈՒղղակի շահառուներ` Շուրջ 150 000 բռնի տեղահանված արցախցիներ, ովքեր 2020-2023թթ բռնի տեղահանվել են իրենց տներից և ներկայումս ձգտում են պահպանել իրենց մշակութային ինքնությունը նոր միջավայրերում: Հարթակը նրանց կտրամադրի իրենց ժառանգության հետ կապվելու և համայնքի ճկունությունը խթանելու միջոցներ:
Անուղղակի շահառուներ` Արցախյան սփյուռք, Արցախի մշակույթի հետազոտողներ, փորձագետներ և արվեստագետներ, արցախյան մշակույթով հետաքրքրված անհատներ և հաստատություններ:

Կայունություն

Ինքնության պահպանում. Ոչ նյութական մշակութային ժառանգության պահպանումը խթանում է պատկանելության զգացումը և օգնում տեղահանված բնակիչներին պահպանել իրենց մշակութային արմատները: Էլեկտրոնային հարթակը կշարունակի գործել նաև ծրագրի տևողությունից դուրս։
Համայնքային համախմբվածություն. մշակութային ժառանգության պահպանումը խթանում է համերաշխությունն ու ճկունությունը՝ թույլ տալով համայնքի անդամներին աջակցել միմյանց դժվարին պահերին:
Պատմական շարունակականություն. Էլեկտրոնային հարթակի ստեղծումը նպաստում է, որ Արցախի պատմությունն ու արժեքները չմոռացվեն և փոխանցվեն հաջորդ սերունդներին:
Հոգեբանական բարեկեցություն. մշակութային ժառանգության պահպանումը ապահովում է հարմարավետություն և շարունակականություն՝ նպաստելով տեղահանված մարդկանց հոգեկան բարեկեցությանը:
Մշակութային բազմազանություն. Արցախի յուրահատուկ մշակութային արտահայտությունները հարստացնում են հայկական մշակույթը:
Տնտեսական հնարավորություններ. մշակութային պրակտիկաների պահպանումը կարող է խթան հանդիսանալ տեղահանված արցախցիների ձեռնարկատիրական գործունեության համար:

Աջակցել