Արցախից բռնի տեղահանված անձանց աջակցության կենտրոնի ստեղծում Սյունիքում

Նպատակ

2% $268 041

Արցախից բռնի տեղահանված անձանց աջակցության կենտրոնի ստեղծում Սյունիքում:

Կենտրոնը կծառայի որպես սոցիալ-տնտեսական և մշակութային-կրթական ծրագրերի հարթակ՝ ուղղված բռնի տեղահանված անձանց աջակցությանը, արցախահայերի ինքնության և ոչ նյութական մշակութային ժառանգության պահպանմանը, ինչպես նաև նրանց սոցիալական ինտեգրմանն աջակցելուն:

Ծրագրի նպատակները

Բռնի տեղահանված անձանց համալիր աջակցություն տրամադրող կենտրոնի ստեղծում:
Տարբեր ծրագրերի միջոցով սոցիալ-տնտեսական և մշակութային ինտեգրմանը նպաստում:
Արցախահայերի մշակութային ժառանգության և ինքնության պահպանում:

Խնդիրներ

Խորհրդատվական և իրավական աջակցության տրամադրում խոցելի խմբերին:
Զբաղվածության ծրագրեր բռնի տեղահանված անձանց համար:
Հոգեբանական աջակցության և վերականգնման նախաձեռնություններ:
Ստեղծագործական և կրթական ծրագրեր երեխաների և երիտասարդների համար:
Համայնքի համախմբվածության ամրապնդում ինտեգրման միջոցառումների միջոցով:

Գործընկերներ

Սյունիքի մարզպետարան

Աշխարհագրություն

ՀՀ, Սյունիքի մարզ

Իրականացման ժամկետ

ծրագրի առաջին փուլը (կենտրոնի կայացում)`1 տարի,

երկարաժամկետ հեռանկարով`նվազագույնը 5 տարի

Շահառուներ

ՈՒղղակի շահառուներ` Սյունիքի մարզում բնակվող մոտ 5,000 տեղահանված անձ:

Կայունություն

Երկարաժամկետ կայունություն. Կենտրոնից ստացված բոլոր եկամուտները կվերաներդվեն նրա հետագա զարգացման և ծրագրերի աջակցության համար: Դա կապահովի ծրագրի կայունությունը և ինքնաբավությունը ապագայում:
Ռեսուրսների ներգրավման ռազմավարություն. Լրացուցիչ ռեսուրսների և գործընկերությունների մոբիլիզացման ռազմավարության մշակում՝ կենտրոնի երկարաժամկետ ֆինանսավորումն ու կայունությունն ապահովելու համար:
Տեղական համայնքի հետ փոխգործակցություն. Կենտրոնը ակտիվորեն կհամագործակցի տեղական իշխանությունների և կազմակերպությունների հետ, ինչը կապահովի տեղական բնակիչների աջակցությունն ու մասնակցությունը նրա գործունեությանը:
Կրթական և ձեռնարկատիրական նախաձեռնություններ. Ուսուցման և ձեռնարկատիրական հմտությունների զարգացման ծրագրերը, այդ թվում՝ բռնի տեղահանված անձանց սեփական բիզնես ստեղծելուն աջակցությունը, կապահովեն տնտեսական անկախության երկարաժամկետ հնարավորություններ:

Աջակցել